കേച്ചേരി: വാഹനാപകടത്തിൽ പരിക്കേറ്റ് ആശുപത്രിയിൽ ചികിത്സയിൽ കഴിഞ്ഞ വീട്ടമ്മ കോവിഡ് ബാധിച്ച് മരിച്ചു. മഴുവഞ്ചേരി മത്തനങ്ങാടി ഞാലിൽ വീട്ടിൽ കൃഷ്ണെൻറ ഭാര്യ സുമയാണ് (50) മരിച്ചത്. ഒരാഴ്ച മുമ്പ് വേലൂരിൽ ബൈക്ക് മറിഞ്ഞുണ്ടായ അപകടത്തിൽ ബൈക്കിന് പിറകിലിരുന്ന് സഞ്ചരിച്ച സുമക്ക് തലക്ക് പരിക്കേറ്റിരുന്നു. തുടർന്ന് മുളങ്കുന്നത്തുകാവ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചതായിരുന്നു. ആശുപത്രിയിൽ ചികിത്സയിലിരിക്കെയാണ് കോവിഡ് ബാധിച്ചത്. പിന്നീട് മരിക്കുകയായിരുന്നു. സ്വകാര്യ ആയുർവേദ കമ്പനിയിലെ ജീവനക്കാരിയാണ്. മക്കൾ: സന്തോഷ്, രാജേഷ്, ജിഷ, ലിഷിത.
