തൃപ്രയാർ: പിക്അപ് വാനിടിച്ച് ഇലക്ട്രിക് സ്കൂട്ടർ യാത്രക്കാരൻ മരിച്ചു. വലപ്പാട് കരിയാട്ടി വീട്ടിൽ തോമസാണ് (78) മരിച്ചത്. വ്യാഴാഴ്ച രാവിലെ 10.45ന് ദേശീയപാത 66 വലപ്പാട് പഞ്ചായത്ത് ഒാഫിസിന് തെക്കുഭാഗത്താണ് അപകടം. തലക്കും കാലിനും ഗുരുതര പരിക്കേറ്റ തോമസിനെ വലപ്പാട് സാമൂഹികാരോഗ്യ കേന്ദ്രത്തിൽ എത്തിച്ചെങ്കിലും രക്ഷിക്കാനായില്ല. ഭാര്യ: അമ്മിണി (റിട്ട. അധ്യാപിക, വലപ്പാട് ഗവ. ഹൈസ്കൂൾ). മകൻ: ഷാജു. മരുമകൾ: സ്മിത.
