വാടാനപ്പള്ളി: കോവിഡ് മുക്തനായി വീട്ടിലെത്തിയ വൃക്കരോഗിയായ യുവാവ് വീണ്ടും കോവിഡ് ബാധിച്ച് തുടർ ചികിത്സക്കിടെ മരിച്ചു. തളിക്കുളം ഞാനങ്ങത്ത് പരേതനായ വേലായുധെൻറ മകൻ സത്യൻ (46) ആണ് മരിച്ചത്. സഹോദരിയോടൊപ്പം ചേർക്കര മൈതാനത്തിനു സമീപം വാടക വീട്ടിൽ താമസിച്ചു വരുകയായിരുന്നു. തൃശൂർ കേരള വർമ കോളജിലെ മുൻ എസ്.എഫ്.ഐ പ്രവർത്തകനും തളിക്കുളത്തെ ആർ.എം.പി.ഐ പ്രവർത്തകനുമാണ്.ഇരു വൃക്കകളും തകരാറിലായി ഡയാലിസിസ് നടത്തി വരുകയായിരുന്നു. ഹൃദ്രോഗവും ഉണ്ടായിരുന്നു. കോവിഡ് ബാധിതനായി മേയ് അഞ്ച് മുതൽ തൃശൂർ ഗവ. മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. നെഗറ്റിവ് ആയതിനെ തുടർന്ന് 22ന് ആശുപത്രി വിട്ടു. ശ്വാസതടസ്സത്തെ തുടർന്ന് 24ന് വീണ്ടും മെഡിക്കൽ കോളജ് ആശുപത്രിയിൽ പ്രവേശിപ്പിക്കുകയും ആർ.ടി.പി.സി.ആർ ടെസ്റ്റിൽ പോസിറ്റിവായി കാണുകയും ചെയ്തു. വെള്ളിയാഴ്ച പുലർച്ചയായിരുന്നു മരണം. കോവിഡ് പ്രോട്ടോകോൾ പ്രകാരം സംസ്കാരം നടത്തി.അവിവാഹിതനാണ്. മാതാവ്: പരേതയായ അമ്മിണി. സഹോദരങ്ങൾ: മനോജ്, ഷീജ, മിനി.
