വടക്കാഞ്ചേരി: ടൗണിൽ പാതയോരത്ത് പരിക്കേറ്റ് അബോധാവസ്ഥയിൽ കണ്ടെത്തിയ യുവാവ് മരിച്ചു. ഹൈസ്കൂൾ ഗ്രൗണ്ടിന് സമീപം താമസിക്കുന്ന കൊട്ടംപ്ലാക്കൽ ജേക്കബിെൻറ മകൻ കോളിങ്സാണ് (32) മരിച്ചത്. ഞായറാഴ്ച പുലർച്ച 2.30നാണ് ടൗണിലെ എംപ്ലോയ്മെൻറ് എക്സ്ചേഞ്ച് പ്രവർത്തിക്കുന്ന സ്വകാര്യ കെട്ടിടത്തിെൻറ രണ്ടാം നിലയിൽനിന്ന് വീണ നിലയിൽ പാതയോരത്ത് യുവാവിനെ കൂട്ടുകാർ കണ്ടെത്തിയത്. തുടർന്ന് ആദ്യം ജില്ല ആശുപത്രിയിൽ എത്തിക്കുകയും തലക്ക് ഗുരുതര പരിക്കുള്ളതിനാൽ തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിക്കുകയായിരുന്നു. ഞായറാഴ്ച രാവിലെ 11ഓടെയാണ് മരണം സ്ഥിരീകരിച്ചത്. ശനിയാഴ്ച രാത്രി കൂട്ടുകാരുമൊത്ത് രണ്ടാം നിലയിലെ എംപ്ലോയ്മെൻറ് ഓഫിസിന് സമീപത്തെ വാടകമുറിയിൽ ഒത്തുകൂടിയിരുന്നതായി പറയുന്നു. മെഡിക്കൽ കോളജിൽ നടത്തിയ പരിശോധനയിൽ ഇയാൾക്ക് േകാവിഡ് സ്ഥിരീകരിച്ചിട്ടുണ്ട്. അവിവാഹിതനാണ്. വടക്കാഞ്ചേരി പൊലീസ് തുടർനടപടികൾ സ്വീകരിച്ചു.
