കൊടകര: പ്രമുഖ വേദപണ്ഡിതന്‍ മറ്റത്തൂര്‍ കൈമുക്ക് മന രാമന്‍ അക്കിത്തിരിപ്പാട് (68) നിര്യാതനായി. കോവിഡാനന്തര ചികിത്സയിലിരിക്കെ കറുകുറ്റി അപ്പോളോ ആശുപത്രിയിലായിരുന്നു അന്ത്യം. കോവിഡ് ബാധിച്ച ശേഷം നെഗറ്റിവായെങ്കിലും ന്യുമോണിയ പിടിപെടുകയായിരുന്നു.ജ്യോതിഷിയും വേദപണ്ഡിതനുമായിരുന്നു. കുറുമാലി പുഴയോരത്തുള്ള മറ്റത്തൂരില്‍ സോമയാഗവും അതിരാത്രവും നടത്തിയ ഇദ്ദേഹം ഗുരുവായൂര്‍ ഉള്‍പ്പെടെ ക്ഷേത്രങ്ങളിലെ അഷ്ടമംഗല പ്രശ്‌നങ്ങളില്‍ പങ്കെടുത്തിട്ടുണ്ട്. ഭാര്യ: ആര്യ പത്തനാടി. മക്കള്‍: അപര്‍ണ, സുവര്‍ണ, അരുണ, ഹരിണന്‍. മരുമക്കള്‍: ഹരി, ഉണ്ണികൃഷ്ണന്‍ നമ്പൂതിരി, പ്രസാദ്, അഞ്ജലി.
