പുലാപ്പറ്റ: കോവിഡ് ബാധിച്ചതിനെ തുടർന്ന് ഒരുമാസത്തിനിടെ കുടുംബത്തിലെ മൂന്നുപേർ മരിച്ചു. മൂച്ചിത്തറ സുബ്രഹ്മണ്യ നിവാസിലെ മധുവിെൻറ കുടുംബത്തിലെ മൂന്നുപേരാണ് മരിച്ചത്. മധുവിെൻറ ഭാര്യ ഗായത്രിയുടെ മാതാവ് പ്രേമ (58) ചൊവ്വാഴ്ച രാത്രി നിര്യാതയായി. ഒരുമാസത്തോളമായി പാലക്കാട് ജില്ല ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലായിരുന്നു. മധുവിെൻറ ഭാര്യ ഗായത്രി കഴിഞ്ഞ 18നും പിതാവ് ദേവദാസ് മേയ് രണ്ടിനും കോവിഡ് ബാധിച്ച് മരിച്ചിരുന്നു. ജില്ല ആശുപത്രിയിൽ ചികിത്സയിലിരുന്ന മകൾ ഗായത്രിയെ പരിചരിക്കാനെത്തിയതോടെയാണ് അമ്മ പ്രേമക്ക് രോഗം ബാധിച്ചത്. ബുദ്ധിവളർച്ച കുറവായ മകൻ ഉണ്ണികൃഷ്ണനെ തനിച്ചാക്കിയാണ് പ്രേമ മടങ്ങിയത്. ഇപ്പോൾ മധുവിെൻറ സംരക്ഷണയിലാണ് ഉണ്ണികൃഷ്ണൻ. ആലപ്പുഴ വെള്ളക്കിണർ സ്വദേശിനിയായ ഗായത്രിയെ മധു വിവാഹം കഴിച്ചാണ് പുലാപ്പറ്റയിലെത്തിച്ചത്. നാലുവർഷം മുമ്പാണ് ഗായത്രിയുടെ അമ്മയും സഹോദരനും പുലാപ്പറ്റയിലേക്ക് താമസം മാറ്റിയത്.
