വെള്ളിക്കുളങ്ങര: ആഫ്രിക്കയിലെ ഉഗാണ്ടയില്‍ യുവാവ് കോവിഡ് ബാധിച്ച് മരിച്ചതായി വീട്ടുകാര്‍ക്ക് വിവരം ലഭിച്ചു. വെള്ളിക്കുളങ്ങര അമ്പലത്തറ ദേശത്ത് വൈകുണ്ഡാപുരം വീട്ടില്‍ കൃഷ്ണന്‍കുട്ടിയുടെ മകന്‍ പ്രദീപാണ് (42) മരിച്ചത്. ഒമ്പതു വര്‍ഷത്തോളമായി ഉഗാണ്ടയില്‍ സ്വകാര്യ സ്ഥാപനത്തില്‍ സൂപ്പര്‍വൈസറായി ജോലി ചെയ്യുകയായിരുന്നു. മൂന്നുവര്‍ഷം മുമ്പാണ് നാട്ടില്‍ വന്നുപോയത്. ഉഗാണ്ടയില്‍തന്നെ സംസ്‌കരിക്കും. ഭാര്യ: സന്ധ്യ. മക്കള്‍: അഖില്‍, അശ്വതി.
