ചാവക്കാട്: കോവിഡ് ബാധിച്ച് മരിച്ച മാതാവിന് പിന്നാലെ മകനും മരിച്ചു. എടക്കഴിയൂർ സിങ്കപ്പൂർ പാലസിന് പടിഞ്ഞാറ് മൂന്ന് സെൻറ് കോളനിയിൽ താമസിക്കുന്ന എം.എം. ഫാറൂഖാണ് (42) കോവിഡ് ബാധിച്ച് മരിച്ചത്. സി.പി.എം പഞ്ചവടി സൗത്ത് ബ്രാഞ്ച് സെക്രട്ടറിയും ലോക്കൽ കമ്മിറ്റി അംഗവും സി.ഐ.ടി.യു മത്സ്യ തൊഴിലാളി യൂനിയൻ നേതാവുമായിരുന്നു. രണ്ടാഴ്ച മുമ്പാണ് കോവിഡ് ബാധിച്ച് ഫാറൂഖിനെ ചാവക്കാട് താലൂക്ക് ആശുപത്രിയിൽ പ്രവേശിപ്പിച്ചത്. പിന്നീട് തൃശൂർ മെഡിക്കൽ കോളജിലേക്ക് മാറ്റുകയായിരുന്നു. രണ്ട് ദിവസം മുമ്പാണ് മാതാവ് പാത്തുമ്മു മരിച്ചത്. ഫാറൂഖിെൻറ ജ്യേഷ്ഠൻ സലീം കോവിഡ് ബാധിച്ച് തൃശൂർ മെഡിക്കൽ കോളജിൽ ചികിത്സയിലാണ്. ഭാര്യ: ഷെമി. മക്കൾ: സൽമാനുൽ ഫാരിസ്, ഫർഹാന.
