ആമ്പല്ലൂര്‍: വരന്തരപ്പിള്ളി കച്ചേരിക്കടവില്‍ മാനസികാസ്വാസ്ഥ്യമുള്ള മകെൻറ ആക്രമണത്തില്‍ അമ്മ മരിച്ചു. കച്ചേരിക്കടവ് കിഴക്കൂടന്‍ പരേതനായ ജോസിെൻറ ഭാര്യ എല്‍സിയാണ് (മണി -75) കൊല്ലപ്പെട്ടത്. സംഭവത്തില്‍ മകന്‍ ജോര്‍ജിനെ (46) വരന്തരപ്പിള്ളി പൊലീസ് കസ്റ്റഡിയിലെടുത്തു.
ഇരുവരും മാത്രമുള്ള വീട്ടിൽ ശനിയാഴ്ച രാവിലെയാണ് എല്‍സിയെ മരിച്ച നിലയില്‍ സമീപവാസികൾ കണ്ടെത്തിയത്. തലയിലും കാലിലും മരവടികൊണ്ട് അടിച്ചാണ് കൊലപ്പെടുത്തിയിരിക്കുന്നതെന്ന് പൊലീസ് പറഞ്ഞു. പൊലീസ് എത്തിയപ്പോള്‍ ജോര്‍ജ് മുറിയില്‍ ഇരിക്കുകയായിരുന്നു. പുറത്തിറങ്ങാന്‍ ആവശ്യപ്പെെട്ടങ്കിലും പൊലീസിനെ ആക്രമിക്കാന്‍ ശ്രമിച്ചു. വരന്തരപ്പിള്ളി സി.ഐ മാര്‍ട്ടിെൻറ നേതൃത്വത്തില്‍ കൂടുതല്‍ പൊലീസ് എത്തിയാണ് കീഴ്‌പ്പെടുത്തിയത്. സ്റ്റേഷനില്‍ എത്തിയിട്ടും ഇയാള്‍ ബഹളം തുടര്‍ന്നു. കഴിഞ്ഞ രാത്രി ജോര്‍ജ് അക്രമാസക്തനായി പറമ്പില്‍ നടന്നിരുന്നതായി സമീപവാസികള്‍ പറഞ്ഞു. നിരന്തരം ബഹളമുണ്ടാക്കുന്ന ആളായതുകൊണ്ട് രാത്രിയിലെ ബഹളം സമീപവാസികള്‍ കാര്യമാക്കാറില്ല. കഴിഞ്ഞ സെപ്റ്റംബറില്‍ അക്രമാസക്തനായ ജോര്‍ജിനെ പിടികൂടാന്‍ എത്തിയ വരന്തരപ്പിള്ളി എസ്.ഐയെ ആക്രമിച്ചിരുന്നു. തുടര്‍ന്ന് ഒന്നര മാസം മാനസികാരോഗ്യ കേന്ദ്രത്തിലായിരുന്നു. ചാലക്കുടി ഡിവൈ.എസ്.പിയുടെയും വരന്തരപ്പിള്ളി പൊലീസിെൻറയും നേതൃത്വത്തില്‍ മൃതദേഹം ഇന്‍ക്വസ്റ്റ് നടത്തി. ഫോറന്‍സിക് ഉദ്യോഗസ്ഥരും സ്ഥലത്തെത്തിയിരുന്നു.
