തൃശൂര്‍: ജോസ് തിയറ്ററിന് സമീപം അവശനിലയിൽ കണ്ടെത്തിയയാൾ ആശുപത്രിയിൽ ചികിത്സയിലിരിക്കെ മരിച്ചു. ശെൽവൻ (50) എന്നയാളാണ് മരിച്ചത്. ഇയാളെക്കുറിച്ച് കൂടുതൽ വിവരങ്ങൾ ലഭിച്ചിട്ടില്ല. കഴിഞ്ഞ വ്യാഴാഴ്ച രാവിലെയാണ് ഇയാളെ അവശനിലയിൽ കണ്ടെത്തിയത്. തുടർന്ന് തൃശൂര്‍ ജനറൽ ആശുപത്രിയിൽ പ്രവേശിപ്പിച്ചു. വിദഗ്ധ ചികിത്സക്കായി പിന്നീട് തൃശൂർ ഗവ. ആശുപത്രിയിലേക്ക് മാറ്റിയെങ്കിലും വെള്ളിയാഴ്ച പുലർച്ച മരിച്ചു. മൃതദേഹം തൃശൂർ മെഡിക്കൽ കോളജ് ആശുപത്രി മോർച്ചറി‍യില്‍. ഇയാളെ അറിയുന്നവർ ടൗണ്‍ ഈസ്റ്റ് സ്റ്റേഷനുമായി ബന്ധപ്പെടണമെന്ന് പൊലീസ് അറിയിച്ചു. ഫോൺ: 0487 2424192, 8075348161.
