അഴീക്കോട്: മതിലകം ബ്ലോക്ക് പഞ്ചായത്ത് അഴീക്കോട് ഡിവിഷൻ അംഗം മുഹമ്മദ് സഗീർ (ഷായി അയ്യാരിൽ -68) നിര്യാതനായി. കോവിഡ് ഭേദമായ ശേഷം ന്യുമോണിയ ബാധിച്ച് തൃശൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. അയ്യാരിൽ പരേതരായ കുഞ്ഞിക്കോമു -ആമി ദമ്പതികളുടെ മകനാണ്. രണ്ടാം പ്രാവശ്യമാണ് ബ്ലോക്ക് പഞ്ചായത്ത് അംഗമാകുന്നത്. എറിയാട് പഞ്ചായത്ത് മുൻ അംഗവുമാണ്. സി.പി.എം ലോക്കൽ കമ്മിറ്റി അംഗം, കർഷക സംഘം അഴീക്കോട് മേഖല കമ്മിറ്റി പ്രസിഡൻറ്, മരപ്പാലം ലിവാഉൽ ഇസ്‌ലാം മസ്ജിദ് കമ്മിറ്റി വൈസ് പ്രസിഡൻറ് എന്നീ നിലകളിൽ പ്രവർത്തിച്ചിരുന്നു. ഭാര്യ: ചേറ്റുവ പണിക്കവീട്ടിൽ കുറുപ്പത്ത് കുടുംബാംഗം സെയ്ഫുന്നിസ. മക്കൾ: ഷിൻസി, ഡിൻസി, മർസീന, സന. മരുമക്കൾ: അൻവർ, അനസ് (ഇരുവരും ഗൾഫ്).
