ആമ്പല്ലൂർ: ദേശീയപാതയിൽ പുതുക്കാട് പൊലീസ് സ്റ്റേഷന് സമീപം കാറിടിച്ച് പരിക്കേറ്റ ബൈക്ക് യാത്രികൻ മരിച്ചു. കാലടി കാഞ്ഞൂര്‍ പാറപ്പുറം നാഗത്ത് വീട്ടില്‍ പരേതനായ നന്ദനെൻറ മകന്‍ മിഥുന്‍ ബോസാണ് (30) മരിച്ചത്. വെള്ളിയാഴ്ച വൈകീട്ടായിരുന്നു അപകടം. മിഥുന്‍ സഞ്ചരിച്ച ബൈക്കില്‍ മറ്റൊരു വാഹനത്തെ മറികടന്നെത്തിയ കാര്‍ ഇടിക്കുകയായിരുന്നു. തൃശൂരിലെ സ്വകാര്യ ആശുപത്രിയില്‍ ചികിത്സയിലിരിക്കെ ശനിയാഴ്ച രാവിലെയാണ് മരിച്ചത്. തൃശൂര്‍ പുങ്കുന്നത്ത് കാര്‍ ഷോറൂമിലെ ജീവനക്കാരനാണ്. കാലടിയില്‍നിന്ന് പൂങ്കുന്നത്തേക്കുള്ള യാത്രക്കിടെയായിരുന്നു അപകടം. മാതാവ്: അജിത. സഹോദരന്‍: കാര്‍ത്തിക്.
