മകന്‍ അറസ്റ്റില്‍
ആമ്പല്ലൂര്‍: പറപ്പൂക്കര തൊട്ടിപ്പാളില്‍ വീട്ടുവഴക്കിനിടെ തറയില്‍ തലയിടിച്ചു വീണ ഗൃഹനാഥന്‍ മരിച്ചു. തൊട്ടിപ്പാള്‍ പനങ്കുളം തോമസിെൻറ മകന്‍ പോളാണ് (60) മരിച്ചത്. സംഭവത്തില്‍ മകന്‍ മാക്‌സിനെ (28) പുതുക്കാട് പൊലീസ് അറസ്റ്റ് ചെയ്തു. വെള്ളിയാഴ്ച രാത്രി 11നാണ് സംഭവം. മരിച്ച പോള്‍ പതിവായി മദ്യപിച്ച് വീട്ടില്‍ വഴക്കുണ്ടാക്കുന്നയാളാണെന്ന് പൊലീസ് പറഞ്ഞു. രണ്ടുദിവസം മുമ്പ് വഴക്കിനിടെ പോള്‍ ഭാര്യ മേരിയെ വെട്ടുകത്തികൊണ്ട് വെട്ടിപ്പരിക്കേല്‍പിച്ചിരുന്നു. വെള്ളിയാഴ്ച രാത്രിയും ഇയാള്‍ ഭാര്യയെ ആക്രമിക്കുന്നതുകണ്ട് മകന്‍ തടഞ്ഞു. പിടിവലിക്കിടെ തറയില്‍ തലയിടിച്ചുവീണ പോള്‍ മരിക്കുകയായിരുന്നു. മൃതദേഹം ജില്ല ആശുപത്രിയില്‍. മാക്‌സിനെ കോടതി റിമാൻഡ് ചെയ്തു.
