തൃശൂർ: ഏഴരക്കൂട്ടം ചാരിറ്റബിൾ സൊസൈറ്റി പ്രസിഡൻറും കോമഡി ടി.വി താരവുമായിരുന്ന മിഷൻ ക്വർട്ടേഴ്‌സ് ഫാത്തിമ നഗറിൽ ചിറയത്ത് കോനിക്കര പോൾ (72) നിര്യാതനായി. എ.കെ. ആൻറണിയുടെ രൂപ സാദൃശ്യമുള്ള പോൾ കോനിക്കര നിരവധി കോമഡി ഷോകളിൽ എ.കെ. ആൻറണിയെ അവതരിപ്പിച്ചിട്ടുണ്ട്. ചെറുകഥാകൃത്ത് കൂടിയായ അദ്ദേഹത്തിെൻറ നേതൃത്വത്തിൽ 20 വർഷം മുമ്പ് സ്ഥാപിച്ച ഏഴരക്കൂട്ടം ചാരിറ്റബിൾ സൊസൈറ്റി ജില്ലയിൽ നിരവധി ജീവകാരുണ്യ പ്രവർത്തനങ്ങൾ നടത്തുന്ന സംഘടനയാണ്.ഏഴരക്കൂട്ടത്തിെൻറ വാർഷിക ചടങ്ങുകൾ ഭൂരിഭാഗവും കോളനികളിലും മറ്റുമാണ് സംഘടിപ്പിച്ചിരുന്നത്. നിരവധി പേർക്ക് വീടും വിദ്യാർഥികൾക്ക് വിദ്യാഭ്യാസ സഹായവും നൽകാൻ പോൾ കോനിക്കര നേതൃത്വം നൽകി. ഭാര്യ: റോസിലി. മക്കൾ: സോണി, ടോണി. മരുമക്കൾ: ജീന, ജിജി. മൃതദേഹം ശുശ്രൂഷകൾക്ക് ശേഷം ജൂബിലി മെഡിക്കൽ കോളജിന് വിട്ടുനൽകും.
