തൃശൂർ: ശ്രീകേരളവർമ കോളജ് ഇക്കണോമിക്സ് വിഭാഗം മുൻ മേധാവി അയ്യന്തോൾ ചുങ്കത്ത് കൂടല്ലൂർ കോട്ടേജിൽ പ്രഫ. പി. ബാലരാമൻ (82) നിര്യാതനായി. പ്രീഡിഗ്രി, ഡിഗ്രി, പോസ്റ്റ് ഗ്രാജ്വേറ്റ് പരീക്ഷ ബോർഡുകളുടെ ചെയർമാനായിരുന്നു. ജില്ല ഉപഭോക്തൃ സംഘടനയുടെ പ്രസിഡൻറായി 20 വർഷത്തോളം പ്രവർത്തിച്ചു. പ്രസിഡൻറായിരിക്കെ 1994ൽ മികച്ച ഉപഭോക്തൃ സംഘടനക്കുള്ള ദേശീയ പുരസ്കാരം ലഭിച്ചു. ഹരിശ്രീ വിദ്യാനിധി ഭരണസമിതി അംഗം, തൃശൂർ അഗ്രി ഹോർട്ടികൾചറൽ സൊസൈറ്റി ഭരണസമിതി അംഗം, തൃശൂർ ആകാശവാണി ഉപദേശക സമിതി അംഗം, ജില്ല സ്പോർട്സ് കൗൺസിൽ എക്സിക്യൂട്ടിവ് കമ്മിറ്റി എന്നീ നിലകളിൽ പ്രവർത്തിച്ചു. കേരള ഹാൻഡ്ബാൾ അസോസിയേഷൻ, ജില്ല ഫുട്ബാൾ അസോസിയേഷൻ സംഘടനകളിലും ദീർഘകാലം ഭാരവാഹിയായിരുന്നു. അഖിലേന്ത്യ ബാസ്കറ്റ്ബാൾ, നാഷനൽ ഗെയിംസ്, കിണറ്റിങ്കൽ ട്രോഫി തുടങ്ങി നിരവധി മത്സരങ്ങളുടെ സംഘാടക സമിതി കൺവീനറുമായിരുന്നു. ഭാര്യ: പ്രഫ. എ. വിജയലക്ഷ്മി (കേരളവർമ കോളജ് ചരിത്ര വിഭാഗം മുൻ മേധാവി). മകൾ: അർച്ചന (ബംഗളൂരു). മരുമകൻ: ശ്രീജിത്ത് (ബംഗളൂരു).