പുന്നയൂർക്കുളം: വയോധിക കുളത്തിൽ വീണ് മരിച്ചു. വെട്ടിപ്പുഴ തിയ്യത്തയിൽ ഉമറിെൻറ മകൾ കൊന്നാമാക്കൽ മറിയയാണ് (78) മരിച്ചത്. ചൊവ്വാഴ്ച രാവിലെ വീട്ടുപരിസരത്തുള്ള കുളത്തിലാണ് മൃതദേഹം കണ്ടെത്തിയത്. കാണാതായതിനെ തുടർന്ന് നടത്തിയ തിരച്ചിലിലാണ് കുളത്തിൽനിന്ന് തലയിൽ അണിഞ്ഞിരുന്ന ഷാൾ കണ്ടത്. തുടർന്ന് വടക്കേകാട് പൊലീസിെൻറ നേതൃത്വത്തിൽ നാട്ടുകാർ ചേർന്ന് കുളത്തിൽ നടത്തിയ തിരച്ചിലിലാണ് ചളിയിൽ താഴ്ന്ന നിലയിൽ മൃതദേഹം കണ്ടെത്തിയത്. ഖബറടക്കം ചാവക്കാട് താലൂക്ക് ആശുപത്രിയിലെ പോസ്റ്റ്മോർട്ടത്തിനു ശേഷം ബുധനാഴ്ച മന്ദലാംകുന്ന് ജുമാഅത്ത് പള്ളി ഖബർസ്ഥാനിൽ.
