കയ്പമംഗലം: മാലിക് ബിൻ ദീനാർ ഇസ്‌ലാമിക് കോംപ്ലക്സ് കയ്പമംഗലം യൂനിറ്റ് പ്രസിഡൻറും മുംെബെ ഖുവ്വത്തുൽ ഇസ്ലാം സഭയുടെ സ്ഥാപകനുമായ മൂന്നുപീടിക ചെറുവട്ടം അബ്ദുൽഖാദർ ഹാജി (91) നിര്യാതനായി. പതിറ്റാണ്ടുകളായി മുംെബെയിൽ താമസിച്ച അബ്ദുൽഖാദർ ഹാജിക്ക് മഹാരാഷ്ട്ര സർക്കാറിെൻറ എക്സിക്യൂട്ടിവ് മജിസ്ട്രേറ്റ് പദവി ഉണ്ടായിരുന്നു. മഹാരാഷ്ട്ര മുസ്ലിം ലീഗ് വൈസ് പ്രസിഡൻറായി പ്രവർത്തിച്ചിട്ടുണ്ട്. സി.എം. ഖാദർ ഭായ് എന്ന വിളിപ്പേരിൽ അറിയപ്പെടുന്ന അദ്ദേഹമാണ് മുസ്ലിം ലീഗിെൻറ മുൻ ദേശീയ പ്രസിഡൻറ് ജി.എം. ബനാത്ത് വാലയെ മുസ്ലിം ലീഗിലേക്ക് കൊണ്ടുവന്നത്. മുംെബെ ഖുവ്വത്തുൽ ഇസ്ലാം അറബിക് കോളജ്, ഖുവ്വത്തുൽ ഇസ്ലാം മദ്‌റസ എന്നിവയുടെ സ്ഥാപകരിൽ ഒരാളും ദീർഘകാലം പ്രസിഡൻറും ആയിരുന്നു. ഗോരാമുല്ല മസ്ജിദ് നിർമിച്ച ഹാജി ഇപ്പോഴും ചീഫ് ട്രസ്റ്റിയാണ്. കേരളത്തിൽനിന്ന് കപ്പലിൽ ഹജ്ജിന് പോകാൻ മുംെബെയിൽ എത്തിയിരുന്ന മലയാളികൾക്ക് എല്ലാ സഹായങ്ങളും ചെയ്യുന്നതിൽ മുൻപന്തിയിലായിരുന്നു ഇദ്ദേഹം. ചെമ്മാട് ദാറുൽ ഹുദാ കമ്മിറ്റിയിലും പട്ടിക്കാട് ജാമിയ നൂരിയ്യ കമ്മിറ്റിയിലും അംഗമായി പ്രവർത്തിച്ചിട്ടുണ്ട്.
സെയ്ത് അബ്ദുറഹ്മാൻ ബാഫഖി തങ്ങൾ, പാണക്കാട് പൂക്കോയ തങ്ങൾ, സി.എച്ച്. മുഹമ്മദ് കോയ, പാണക്കാട് മുഹമ്മദലി ശിഹാബ് തങ്ങൾ, ശംസുൽ ഉലമ ഇ.കെ. അബൂബക്കർ മുസ്‌ലിയാർ, കെ.കെ. അബൂബക്കർ ഹസ്രത്ത് തുടങ്ങിയവരുമായി അടുത്തബന്ധം പുലർത്തിയിരുന്നു.
ഭാര്യമാർ: സുഹറ, പരേതയായ അയ്ഷ. മക്കൾ: മൊയ്തീൻ, ഉമ്മർ, നഫീസ. മരുമക്കൾ: സുഹറ, നൂരി.
ഖബറടക്കം ഞായറാഴ്ച രാവിലെ 11 ന് കയ്പമംഗലം കാക്കാത്തുരുത്തി ബദർപള്ളി ഖബർസ്ഥാനിൽ.
