ഒല്ലൂര്‍: ആനക്കല്ല് ഉഴിച്ചിൽ കേന്ദ്രത്തിൽ ചികിത്സക്കായി എത്തിയ രോഗിയെ തൂങ്ങി മരിച്ച നിലയിൽ കണ്ടെത്തി. വിയ്യൂർ തുഷാര ലെയ്നിലെ പനയിൽ സതീഷിനെയാണ് (69) ടെറസ്സിലെ കമ്പിയിൽ തൂങ്ങി മരിച്ച നിലയിൽ കണ്ടെത്തിയത്. 23നാണ് ഇയാൾ ഉഴിച്ചിൽ കേന്ദ്രത്തിൽ നടുവേദനക്ക് ചികിത്സക്കായി എത്തിയത്. കൂട്ടിരിപ്പിന് ആരുമില്ലായിരുന്നു. ശനിയാഴ്ച രാവിലെ ഉഴിച്ചിലിന് ആളെത്തിയപ്പോൾ മുറിയിൽ ഇയാളെ കാണാത്തതിനെ തുടർന്ന് അന്വേഷിച്ചപ്പോഴാണ് മരിച്ചനിലയിൽ കണ്ടെത്തിയത്. കേന്ദ്രം നടത്തിപ്പുകാർ അറിയിച്ചതിനെ തുടർന്ന് നെടുപുഴ പൊലീസ് മേൽ നടപടികൾ സ്വീകരിച്ചു. ഇയാൾ മുമ്പും വീട്ടിൽ ആത്മഹത്യശ്രമം നടത്തിയിരുന്നതായി പൊലീസ് പറഞ്ഞു.
