കുന്നംകുളം: കൂട്ടുകാർക്കൊപ്പം കുളിക്കുന്നതിനിടെ യുവാവ് കുളത്തിൽ മുങ്ങി മരിച്ചു. മരത്തംകോട് എ.കെ.ജി നഗറിൽ പള്ളിപ്പുറത്ത് വീട്ടിൽ ഫൈസലിെൻറ മകൻ നൗഫലാണ് (20) മരിച്ചത്. തിങ്കളാഴ്ച വൈകീട്ട് 5.30ഒാടെ പോർക്കുളം പഞ്ചായത്തിലെ അകതിയൂർ കലർമ കുളത്തിലായിരുന്നു സംഭവം. സുഹൃത്തുക്കൾ കുളിച്ച് കയറിയിട്ടും നൗഫലിനെ കാണാതിരുന്നതോടെ നടത്തിയ പരിശോധനയിലാണ് വെള്ളത്തിൽ താഴ്ന്ന നിലയിൽ കണ്ടത്. ഉടൻ പുറത്തെടുത്ത് കുന്നംകുളത്തെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. മൃതദേഹം സ്വകാര്യ ആശുപത്രി മോർച്ചറിയിൽ. കോവിഡ് പരിശോധനക്കും പോസ്റ്റ്മോർട്ടത്തിനും ശേഷം ചൊവ്വാഴ്ച ബന്ധുക്കൾക്ക് വിട്ടുകൊടുക്കും. ഖബറടക്കം പന്നിത്തടം ജുമാമസ്ജിദ് ഖബർസ്ഥാനിൽ. പന്നിത്തടത്തെ ബാർബർ ഷോപ്പിലെ ജീവനക്കാരനാണ്. മാതാവ്: ഫൗസിയ. സഹോദരങ്ങൾ: മുഹമ്മദലി, മുഹമ്മദ് യാസിൻ.
