അടിമാലി: ബൈസൺവാലിയിൽ ആപ്പ് ഉപയോഗിച്ച് വിറകു കീറുന്നതിനിടയിൽ ചീള് ശരീരത്ത് തറഞ്ഞുകയറി തൊഴിലാളി മരിച്ചു. ബൈസൺവാലി തടത്തേൽ രാജുവാണ് (50) മരിച്ചത്. ചൊവ്വാഴ്ച രാവിലെ പതിനൊന്നരയോടെയാണ് അപകടം. ബൈസൺവാലി കണിയാംകണ്ടത്തിൽ സിബിയുടെ പുരയിടത്തിൽ ഏലയ്ക്ക സ്റ്റോറിലേക്കുള്ള വിറക് കീറുകയായിരുന്നു രാജു. കൂടവും ആപ്പും ഉപയോഗിച്ചാണ് വിറക് കീറിയിരുന്നത്. ഇതിനിടെ ആപ്പിെൻറ ചീള് തെറിച്ച് രാജുവിെൻറ തുടയിൽ തറഞ്ഞുകയറുകയായിരുന്നു. രക്തപ്രവാഹം നിലക്കാതിരുന്നതിനെത്തുടർന്ന് അടിമാലിയിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. രാജാക്കാട് പൊലീസ് നടപടി സ്വീകരിച്ചു. പോസ്റ്റ്മോർട്ടത്തിനുശേഷം ബുധനാഴ്ച സംസ്കാരം നടത്തും. ഭാര്യ: സേനാപതി വെള്ളാംകണ്ടത്തിൽ കുടുംബാംഗം സിജി. മക്കൾ: ജിയ, ജിറ്റി, അൾജിയ. മരുമക്കൾ: ബേസിൽ ഇലവുംകുടിയിൽ, റിഥിക് മുകുളേൽ.
