പാവറട്ടി: തൊട്ടിലിെൻറ കയറിൽ കളിക്കുന്നതിനിടെ സ്പ്രിങ് കഴുത്തിൽ കുരുങ്ങി ഒമ്പത് വയസ്സുകാരൻ മരിച്ചു. ഏനാമാക്കൽ കടവിന് സമീപം അമ്പലത്ത് വീട്ടിൽ ഉമ്മറിെൻറയും ഷഫീനയുടെയും മകൻ ഷിയാസാണ് മരിച്ചത്. ബുധനാഴ്ച വൈകീട്ട് അഞ്ചോടെയാണ് സംഭവം. എട്ട് മാസം പ്രായമുള്ള സഹോദരി ഷിംനക്ക് ഉമ്മ പാല് കൊടുക്കാൻ കൊണ്ടുപോയ സമയത്താണ് അപകടം. ഉടൻ സമീപത്തെ ഡോക്ടറുടെ അടുത്തും അവിടെ നിന്ന് തൃശൂർ അമല മെഡിക്കൽ കോളജ് ആശുപത്രിയിലും എത്തിച്ചങ്കിലും മരിക്കുകയായിരുന്നു. പാടൂർ വാണി വിലാസം സ്കൂളിലെ നാലാം ക്ലാസ് വിദ്യാർഥിയാണ്. ഷിസാനയാണ് മറ്റൊരു സഹോദരി. സംസ്കാരം വ്യാഴാഴ്ച കണ്ണോത്ത് ജുമാമസ്ജിദ് ഖബർസ്ഥാനിൽ.
