പുന്നയൂർക്കുളം: കോവിഡ് ബാധിച്ച് നെഗറ്റിവായ ശേഷം വയോധികനും മകളുടെ ഭർത്താവും ഒരേ ദിവസം മരിച്ചു. എ.ഇ.ഒ ഓഫിസിന് സമീപത്തെ ഗവ. എം.എൽ.പി സ്കൂളിനു പടിഞ്ഞാറ് കുമ്മിത്തറയിൽ ഹംസ ഹാജി (76), മകൾ ആത്തിക്കയുടെ ഭർത്താവ് അഷറഫ് (56) എന്നിവരാണ് മരിച്ചത്. രണ്ട് പേരുടെയും വീടുകൾ അടുത്തടുത്താണ്.
കോവിഡ് നെഗറ്റിവ് ആയി ഹംസ ഹാജി തിങ്കളാഴ്ച പുലർച്ച തൃശൂർ ദ‍യ ആശുപത്രിയിലും നാല് ദിവസം മുമ്പേ നെഗറ്റിവ് ഫലം ലഭിച്ച അഷറഫ് ഉച്ചയോടെ തൃശൂർ വെസ്റ്റ് ഫോർട്ട് ഹൈടെക്കിലുമാണ് മരിച്ചത്. പരേതയായ ഇയ്യാച്ചയാണ് ഹംസ ഹാജിയുടെ ഭാര്യ. മക്കൾ: ആത്തിക്ക, ഗഫൂർ (കുവൈത്ത്), ആബിദ, ഫത്താഹ് (യു.എ.ഇ). മറ്റു മരുമക്കൾ: ആലത്തിൽ മൂസ (പുന്നയൂർക്കുളം പഞ്ചായത്ത് അംഗം), ഫസീന, ഫർസാന. അഷ്റഫിെൻറ മക്കൾ: അനീഷ (ഷാർജ), അനസ് (യു.എ.ഇ), അഫീഫ.
