തിരുവല്ല: പ്രശസ്ത കഥകളി സംഗീതജ്ഞൻ തിരുവല്ല ഗോപിക്കുട്ടൻ നായർ (79) നിര്യാതനായി. കഥകളിപ്പാട്ടിൽ തെക്കൻ ചിട്ടയിലെ ഭാവഗായകൻ എന്നാണ് അദ്ദേഹം ആസ്വാദകർക്കിടയിൽ അറിയപ്പെട്ടിരുന്നത്. സംഗീത നാടക അക്കാദമിയുടെ ഗുരുപൂജ പുരസ്‌കാരം, കലാമണ്ഡലം പുരസ്‌കാരം, മടവൂർ പുരസ്‌കാരം തുടങ്ങിയവ ലഭിച്ചിട്ടുണ്ട്. ഭാര്യ: ശാരദാമ്മ. മക്കൾ: ഗിരിജ, രതീഷ് കുമാർ, കലാഭാരതി ജയൻ (മദ്ദളം കലാകാരൻ), ശ്രീകാന്ത്. മരുമക്കൾ: ജയ, രാജലക്ഷ്മി, സന്ധ്യ, പരേതനായ ഗോപാലകൃഷ്ണൻ നായർ. സംസ്കാരം ശനിയാഴ്ച വൈകീട്ട് മൂന്നിന് തിരുവല്ല കിഴക്കുംമുറി ഗോകുലം വീട്ടുവളപ്പിൽ.
