ആലത്തൂർ: മരത്തിൽനിന്ന് വീണ് പരിക്കേറ്റ് ചികിത്സയിലിരുന്ന വയോധികൻ മരിച്ചു. ഇരട്ടകളം കുറുവട്ട വടവട്ട വീട്ടിൽ ചന്ദ്രനാണ് (70) മരിച്ചത്.കഴിഞ്ഞ മാസം 30ന് രാവിലെ 10.30ന് വീട്ടുവളപ്പിലെ മരത്തിൽ കയറി മാങ്ങ പറിക്കുന്നതിനിടെ കാൽവഴുതി വീഴുകയായിരുന്നു. ഗുരുതര പരിക്കേറ്റ ചന്ദ്രൻ നെന്മാറയിലെ സ്വകാര്യ ആശുപത്രിയിൽ ചികിത്സയിൽ കഴിയവെ ശനിയാഴ്ച പുലർച്ച 2.30ഓടെയാണ് മരിച്ചത്. ഭാര്യ: ദേവകി. മക്കൾ: സുമതി, സുനിത, സുജിത, സുരേഷ്. മരുമക്കൾ: ഉണ്ണികൃഷ്ണൻ, രാധാകൃഷ്ണൻ, സുമേഷ് കുമാർ. സഹോദരങ്ങൾ: കമലാക്ഷി, രുഗ്മണി, ജാനകി, പരേതരായ ശിവരാമൻ, പാറു, മാധവി, തങ്കമണി.
