പാലക്കാട്: പ്രശസ്ത മത്സ്യഗവേഷകനും തമിഴ്നാട് ഫിഷറീസ് സർവകലാശാല സ്ഥാപക ഡീനുമായിരുന്ന ഡോ. മേതിൽ നാരായണൻകുട്ടി (87) പുത്തൂർ ‘പ്രസാദ’ത്തിൽ നിര്യാതനായി. ആലത്തൂർ പുതിയങ്കത്ത് മേതിൽ തറവാട്ടിലാണ് ജനനം. കാനഡയിലെ ടോറ േൻറാ സർവകലാശാലയിൽനിന്ന്‌ ഡോക്ടറേറ്റ് നേടിയശേഷം ദീർഘകാലം തമിഴ്നാട് കാർഷിക സർവകലാശാലയിൽ അധ്യാപകനായിരുന്നു. ഐക്യരാഷ്ട്രസഭയുടെയും ഭക്ഷ്യ-കാർഷിക സംഘടനയുടെയും മത്സ്യകൃഷിയുമായി ബന്ധപ്പെട്ട നിരവധി പദ്ധതികളുടെ ഭാഗമായി പ്രവർത്തിച്ചു. 2009ൽ സംസ്ഥാന ഫിഷറീസ് വകുപ്പിെൻറ വിദഗ്ധസമിതിക്ക് നേതൃത്വം നൽകി. സംസ്ഥാന ജല-കൃഷി നയരൂപവത്‌കരണ വിദഗ്ധസമിതി അംഗമായിരുന്നു. ആന്ധ്രപ്രദേശിൽ ഐക്യരാഷ്ട്രസഭയുടെ ഭാഗമായി സേവനമനുഷ്ഠിച്ചിട്ടുണ്ട്. ശുദ്ധജല മത്സ്യക്കൃഷി വിഭാഗത്തിൽ ശ്രദ്ധേയമായ പഠനങ്ങൾ ഇദ്ദേഹത്തിേൻറതായുണ്ട്. ഇരുനൂറിലധികം പ്രബന്ധങ്ങളും ലേഖനങ്ങളും മത്സ്യമേഖലയുമായി ബന്ധപ്പെട്ട് പ്രസിദ്ധീകരിച്ചു. ഫെലോ ഓഫ് ഇന്ത്യൻ ഫിഷറീസ് അസോസിയേഷൻ, ഫെലോ ഓഫ് ഇൻലാൻഡ് ഫിഷറീസ് അസോസിയേഷൻ, വൈസ് ചാൻസലേഴ്സ് അവാർ‍ഡ് തുടങ്ങിയ പുരസ്കാരങ്ങൾ നേടിയിട്ടുണ്ട്. ഭാര്യ: കോങ്ങാട് ചങ്ങരത്ത് കുടുംബാംഗം നളിനി എൻ. കുട്ടി. മക്കൾ: ശ്യാമ മദൻ (അധ്യാപിക, കാലിഫോർണിയ), വിനോദ് കുട്ടി (ബിസിനസ്, കാലിഫോർണിയ). മരുമക്കൾ: മദൻ വേണുഗോപാൽ (ഇൻടെൽ, കാലിഫോർണിയ), ശിവാനി. സഹോദരങ്ങൾ: എം. ഉണ്ണിക്കൃഷ്ണൻ കൊല്ലങ്കോട്, പരേതരായ എം. ബാലഗോപാൽ, എം. പ്രഭാകരൻ, ശാരദ ജി. നായർ, എം. ഗദാധരൻ, രാധാ അരവിന്ദാക്ഷമേനോൻ.
