Read all Latest News on and about Obituary

2025-06-29

ജില്ല ആശുപത്രിയിൽ നിന്ന് ഡിസ്ചാർജ് ചെയ്ത് വീട്ടിലെത്തിയ യുവാവ് കുഴഞ്ഞുവീണ് മരിച്ചു

പാലക്കാട്: നെഞ്ചുവേദനയെ തുടർന്ന് ജില്ല ആശുപത്രിയിൽ ചികിത്സയിലായിരുന്ന യുവാവ് ഡിസ്ചാർജ് ചെയ്ത് വീട്ടിലെത്തിയ ശേഷം കുഴഞ്ഞുവീണ് മരിച്ചു. മലമ്പുഴ ആനക്കല്ല് സ്വദേശി സനിൽ നാരായണനാണ് (47) മരിച്ചത്. രാവിലെ മരിച്ച സനിലിന്റെ ബന്ധുക്കൾ ഡോക്ടറെ തടഞ്ഞുവെച്ച് പ്രതിഷേധിച്ചെങ്കിലും പിന്നീട് പരാതിയില്ലെന്ന് അറിയിച്ചു.

24ന് നെഞ്ചുവേദന വന്ന് ആശുപത്രിയില്‍ ചികിത്സക്കെത്തിയതാണ് സനിൽ. മൂന്നു ദിവസം ഐ.സി.യുവിലായിരുന്നു. അടുത്തമാസം നാലിന് ആൻജിയോഗ്രാം ചെയ്യാൻ തീയതി നൽകി പരിശോധനകൾ പൂർത്തിയാക്കി മടങ്ങി വീട്ടിലെത്തിയപ്പോഴായിരുന്നു കുഴഞ്ഞുവീണ് മരിച്ചത്.

കഴിഞ്ഞ 24ന് ആശുപത്രിയിൽ പ്രവേശിപ്പിച്ച ശേഷം കാർഡിയോളജിസ്റ്റ് പരിശോധിച്ച് ആവശ്യമായ എല്ലാ ചികിത്സകളും നൽകിയിരുന്നു. മൂന്നുദിവസം നൽകേണ്ട ‘ഹെപ്പരിൻ’ മരുന്നിന്റെ കോഴ്സ് പൂർത്തിയാക്കി. വെള്ളിയാഴ്ച സനിലിന്റെ പ്രമേഹ, രക്തസമ്മർദ പരിശോധനകൾ നടത്തി. ഇവയെല്ലാം സാധാരണഗതിയിലാണെന്ന് കണ്ടെത്തിയതിനെ തുടർന്നാണ് ഡിസ്ചാർജ് ചെയ്തത്. യാത്രാക്ലേശം ചൂണ്ടിക്കാട്ടിയതിനാൽ ശനിയാഴ്ച രാവിലെ വരെ ആശുപത്രിയിൽ തുടരാനും അനുവദിച്ചിരുന്നു. യാത്രയിലോ വീട്ടിലെത്തിയതിനു ശേഷമോ ഉണ്ടായ മറ്റേതെങ്കിലും കാരണങ്ങളാകാം മരണകാരണം എന്നാണ് ആശുപത്രി അധികൃതരുടെ വിശദീകരണം.

സംഭവത്തിൽ ആർ.എം.ഒ പരിശോധന ആരംഭിച്ചിട്ടുണ്ടെന്നും ആശുപത്രി അധികൃതർ അറിയിച്ചു. സനിലിന്‍റെ ഭാര്യ: ഗായത്രി. സഹോദരങ്ങൾ: ഷീല, അനിൽ.

2025-06-29

നഫീസ

ആനക്കര: മുകൂട്ട അത്താണി പീടികയില്‍ പരേതനായ ചുള്ളിക്കല്‍ ഇബ്രാഹിമിന്റെ ഭാര്യ നഫീസ (75) നിര്യാതയായി. മക്കള്‍: ആയിശുമ്മ, ബീഫാത്തുട്ടി, ഖദീജ, സുബൈദ, റംല, അലി, സുലൈഖ, അബ്ദുറഹ്മാന്‍, മുബഷിറ, ജാഫര്‍.

2025-06-28

മൊയ്തീൻ കോയ

കോഴിക്കോട്: പരേതനായ അടക്കാനി വീട്ടിൽ ഉമ്മർ കോയയുടെ മകൻ കിൻസാന്‍റകത്ത് മൊയ്തീൻ കോയ (74) തിരുവണ്ണൂർ നട ഇബ്സ നിവാസിൽ നിര്യാതനായി. ഭാര്യമാർ: പരേതയായ മൊയ്തീൻ വീട്ടിൽ ഇമ്പിച്ചിബി, മിനിക്കിന്റെകം ഹലീമ. മക്കൾ: ബബിത, സുനിത, അഫ്ര. മരുമക്കൾ: കുളങ്ങരക്കണ്ടി അയ്യൂബ് (ഗംഗ അസോസിയേറ്റ്സ് വലിയങ്ങാടി), കൊയസ്സൻ വീട്ടിൽ താജുദ്ദീൻ (ദമ്മാം), സീതിമരക്കാരകം മുഹമ്മദ് നുഹീം (ബഹ്റൈൻ). സഹോദരങ്ങൾ: കെ. റഫീഖ്, ഇമ്പിച്ചി പാത്തുമ്മബി, ഉമ്മയാബി ആയിഷബീ, സലീമ, ലൈല, പരേതരായ ഉസ്മാൻ കോയ, ഹുസൈൻ കോയ.

2025-06-29

ആർ. വിഷ്ണുദാസ്

പാലക്കാട്: കോൺഗ്രസ് നേതാവും സഹകാരിയുമായ കല്ലേപ്പുള്ളി വേനോലി റോഡ് കുറുപ്പത്ത് വീട്ടിൽ ആർ. വിഷ്ണുദാസ് (66) നിര്യാതനായി. പരേതരായ രാമസ്വാമിയുടെയും യശോദയുടെയും മകനാണ്.

കല്ലേപ്പുള്ളി ഈന്ദിര ഗാന്ധി മൾട്ടി പർപ്പസ് കോഓപറേറ്റീവ് സൊസൈറ്റി പ്രസിഡന്റാണ്. 15 വർഷം മരുതറോഡ് ഗ്രാമപഞ്ചായത്ത് അംഗമായിരുന്നു.

മരുതറോഡ് മണ്ഡലം കോൺഗ്രസ് പ്രസിഡന്റ്, ബിൽഡിങ് ആൻഡ് റോഡ് വർക്കേഴ്സ് ഫെഡറേഷൻ (ഐ.എൻ.ടി.യു.സി) ജില്ല വൈസ് പ്രസിഡന്റ്, കല്ലേപ്പുള്ളി-മണലി പാടശേഖര സമിതി പ്രസിഡന്റ് എന്നീ നിലകളിലും പ്രവർത്തിച്ചിട്ടുണ്ട്.

കല്ലേപ്പുള്ളി എസ്.എൻ.ഡി.പി ശാഖ മുൻ പ്രസിഡന്റും പോഴംകുളങ്ങര ദേശക്കമ്മിറ്റി മുൻ രക്ഷാധികാരിയുമാണ്.

ഭാര്യ: ഗീത. മക്കൾ: രാഹുൽ വിഷ്ണു, രഹന. മരുമക്കൾ: ശരണ്യ, വിജയ്. സഹോദരങ്ങൾ: വാരിജാക്ഷൻ, വസന്ത, വിജയം, വനജ, വനിത, വാണിശ്രീ, പരേതനായ വിശ്വനാഥൻ. സംസ്കാരം ഞായറാഴ്ച രാവിലെ ഒമ്പതിന് ചന്ദ്രനഗർ വൈദ്യുതി ശ്മശാനത്തിൽ.

2025-06-28

ഹസൻകോയ

ഫറോക്ക് പേട്ട: കുളങ്ങര പാറമ്മൽ ആയിശാസ് വീട്ടിൽ ഹസൻകോയ (73) നിര്യാതനായി. ഭാര്യ: ആയിഷ. മക്കൾ: അമീറ, സെമീറ, ഷെബീർ, ഷെബ്സീർ. മരുമക്കൾ: റഹീം, നൗഫൽ, ജുബൈരിയ, രഹന്യ.

2025-06-29

റംല

പട്ടാമ്പി: ശങ്കരമംഗലം കൊടലൂർ അടുകുറുശ്ശി മുഹമ്മദിന്‍റെ ഭാര്യ റംല (57) നിര്യാതയായി. മക്കൾ: അഷ്റഫ്, ഷഫീക്ക്. മരുമക്കൾ: ഷെമി, ഫായിസ.