കരുനാഗപ്പള്ളി: കോവിഡ് രൂക്ഷമായ കുലശേഖരപുരത്തും തൊടിയൂരിലുമായി കഴിഞ്ഞ ദിവസം രണ്ടുപേർ മരിച്ചു. കുലശേഖരപുരം ആദിനാട് തെക്ക് സരോവരത്തിൽ (സാധുപുരത്ത്) വേണു (50), തൊടിയൂർ ഇടക്കുളങ്ങര മുരുകാലയത്തിനു സമീപം ചുങ്കശ്ശേരിൽ പരേതനായ ഇബ്രാഹിം കുട്ടിയുടെ മകൻ മുഹമ്മദ് ഇക്ബാൽ (47) എന്നിവരാണ് മരിച്ചത്.
കുലശേഖരപുരത്ത് ഇതോടെ, മരണം അഞ്ചായി. വേണുവും ഭാര്യ സതിയും കുറുങ്ങപ്പള്ളി വെൽെഫയർ സ്കൂളിനു സമീപം വാടകക്ക് താമസിച്ചുവരികയായിരുന്നു.
ഏറെ നാളായി പക്ഷാഘാതം ബാധിച്ച് ചികിത്സയിലായിരുന്നു. ഇതിനിടെ, കോവിഡ് ബാധിക്കുകയായിരുന്നു. ഇവർക്ക് മക്കളില്ല.
പരിസരത്തെ വ്യാപാരിയിൽനിന്ന് സമ്പർക്കത്തിലൂടെ കോവിഡ് ബാധിച്ച് ചികിത്സയിലിരിക്കെയാണ് മുഹമ്മദ് ഇക്ബാൽ മരിച്ചത്. ഭാര്യ: ലീന. മക്കൾ: സുൽഫിയ, നിഹാൽ അഹമ്മദ്.
