bhപയ്യോളി: സി.പി.എം തിക്കോടി ടൗൺ ബ്രാഞ്ച് അംഗവും മുൻ തിക്കോടി ലോക്കൽ സെക്രട്ടറിയുമായിരുന്ന പി.കെ. ഭാസ്കരൻ (79) നിര്യാതനായി. മിച്ചഭൂമി സമരത്തിൽ പങ്കെടുത്ത് ജയിൽവാസമനുഷ്ഠിച്ചിട്ടുണ്ട്. തിക്കോടി പഞ്ചായത്ത് ക്ഷേമകാര്യ സ്ഥിരംസമിതി ചെയർമാൻ, ആർട്ടിസാൻസ് യൂനിയൻ (സി.ഐ.ടി.യു) ജില്ല ട്രഷറർ, കൈരളി ഗ്രന്ഥശാല മുൻ സെക്രട്ടറി എന്നീ നിലകളിൽ പ്രവർത്തിച്ചിരുന്നു. ഭാര്യ: പി.കെ. നാരായണി. മക്കൾ: പി.കെ. ശശികുമാർ (ജനറൽ മാനേജർ പയ്യോളി കോഓപറേറ്റീവ് അർബൻ ബാങ്ക്, സി.പി.എം തിക്കോടി ലോക്കൽ കമ്മിറ്റിയംഗം), പി.കെ. സിന്ധു, പി.കെ. സുമേഷ്, പി.കെ. സുധീഷ് (ഇരുവരും ഖത്തർ). മരുമക്കൾ: ഡി. ദീപ (സി.പി.എം ജില്ല കമ്മിറ്റിയംഗം, ജനാധിപത്യ മഹിള അസോസിയേഷൻ ജില്ല പ്രസിഡന്റ്), മോഹനൻ (കാക്കുനി), ഷിജില, രൻസി. സഹോദരങ്ങൾ: പി.കെ. ഭാർഗവി (മേപ്പയ്യൂർ), പി.കെ. രാജേന്ദ്രൻ, പി.കെ. പത്മനാഭൻ, പി.കെ. ശോഭന (ചേളന്നൂർ), പരേതനായ പി.കെ. അറുമുഖൻ.
