ചെങ്കളം തളങ്കര: ദീര്‍ഘകാലം ഖത്തറില്‍ ഹോട്ടല്‍ വ്യാപാരിയായിരുന്ന തളങ്കര ബാങ്കോട് സീനത്ത് നഗറിലെ സി.എ. അബൂബക്കര്‍ ചെങ്കളം (77) നിര്യാതനായി. ഖത്തറിലെ ആദ്യ പ്രവാസികളില്‍ ഒരാളാണ്. ദോഹയില്‍ ടെക്‌സ്റ്റൈല്‍ വ്യാപാരം നടത്തിയിരുന്നു. ഖത്തര്‍ കാസര്‍കോട് മുസ്‍ലിം ജമാഅത്ത്, ദഖീറത്തുല്‍ ഉഖ്‌റാ സംഘം എന്നിവയുടെ സജീവ പ്രവർത്തകനായിരുന്നു. തളങ്കര ജദീദ് റോഡ് അന്നിഅ്മത്ത് ജദീദ് മസ്ജിദ് ആൻഡ് ബിര്‍റുല്‍ ഇസ്‍ലാം മദ്റസ ഭാരവാഹിയായും പ്രവര്‍ത്തിച്ചിട്ടുണ്ട്.
പരേതരായ ചെങ്കളം അഹ്മദിന്റെയും സൈനബയുടെയും മകനാണ്. ഭാര്യ: സക്കീന. മക്കള്‍: ദുബൈയിലെ ബെസ്റ്റ്‌ഗോള്‍ഡ് എം.ഡി സമീര്‍ ചെങ്കളം (ബാങ്കോട് ഗള്‍ഫ് ജമാഅത്ത് പ്രസിഡന്റ്, തളങ്കര പാലിയേറ്റിവ് കെയര്‍ ട്രഷറര്‍), ഷെഫീഖ് ചെങ്കളം (കെ.എം.സി.സി ഖത്തര്‍ കാസര്‍കോട് മണ്ഡലം ജനറല്‍ സെക്രട്ടറി), ഷര്‍ഫീന, ഷഹ്‌സാദ് (അമദ് ഹോസ്പിറ്റല്‍ ഖത്തര്‍), ഡോ. ഷര്‍മീന. മരുമക്കള്‍: സിയാദ് സീനിയര്‍, ഫഹീം പാലക്കി, മുഹ്‌സിന, ഇസാന ഷറഫ, മെഹ്ജബിന്‍. സഹോദരങ്ങള്‍: പരേതരായ ബീഫാത്തിമ, ചെങ്കളം മുഹമ്മദ്, ആയിഷാബി, ചെങ്കളം അബ്ദുല്‍ റഹ്മാന്‍.
