കൊല്ലം: കരിക്കോട് തടത്തിവിള വീട്ടിൽ സംഗീത സംവിധായകൻ പി. ശിവൻ (74) നിര്യാതനായി. സിനിമ, സീരിയൽ, ആൽബം, നാടകം സംഗീത സംവിധായകനാണ്. ഫിലിം ക്രിട്ടിക്സ്, തിക്കുറിശ്ശി ഫൗണ്ടേഷൻ, രാജീവ്ഗാന്ധി സ്മാരക അവാർഡ് ഉൾപ്പടെ നിരവധി പുരസ്കാരം ലഭിച്ചു. അഷ്ടമുടി കപ്പിൾസ്, തീമഴ തേൻമഴ എന്നീ സിനിമകൾ, ‘എന്റെ മനസ്വിനി’ ആൽബം, കാളിദാസ കലാകേന്ദ്രം, കാദംമ്പരി, കൊല്ലം യവന, വൈക്കം മാളവിക ഉൾപ്പടെ സമിതികളുടെ 150ൽ പരം പ്രഫഷനൽ നാടകങ്ങൾക്കും 250 ൽ പരം അമച്വർ നാടകങ്ങൾക്കും സംഗീതം പകർന്നു. ഭാര്യ: വത്സല. മക്കൾ: ജീവൻ എസ്. ദാസ്, ലിജി. സഞ്ചയനം വെള്ളിയാഴ്ച രാവിലെ എട്ടിന്.
