തൃശൂർ: തൃശൂർ അതിരൂപതയിലെ മുതിർന്ന വൈദികൻ ഫാ. ജോസ് കാച്ചപ്പിള്ളി (74) നിര്യാതനായി. ഇരിങ്ങാലക്കുട രൂപത തെക്കൻ താണിശ്ശേരി ഇടവകയിലെ കാച്ചപ്പിള്ളി പരേതരായ അന്തോണി-റോസ ദമ്പതികളുടെ ഏക മകനാണ്. പാലയൂരിൽ സഹവികാരിയായും അയ്യന്തോൾ ആക്ടിങ് വികാരിയായും നിർമലപുരത്ത് സഹായിയായും എറവ്, മനക്കൊടി, മായന്നൂർ, ഇളനാട്, പഴയന്നൂർ, തിരുവില്വാമല, വല്ലച്ചിറ, പല്ലിശ്ശേരി, ഏങ്ങണ്ടിയൂർ, ചിറയ്ക്കൽ, മുണ്ടത്തിക്കോട്, അഞ്ഞൂർ, ആറ്റത്തറ, പങ്ങാരപ്പിള്ളി എന്നിവിടങ്ങളിൽ വികാരിയായും ലൂർദ് കത്തീഡ്രൽ, പെരിങ്ങണ്ടിയൂർ പീസ് ഹോം എന്നിവിടങ്ങളിൽ റെസിഡൻറ് പ്രീസ്റ്റായും സേവനമനുഷ്ഠിച്ചിട്ടുണ്ട്. തൃശൂർ സെൻറ് മേരീസ് മൈനർ സെമിനാരിയിലും ഏങ്ങണ്ടിയൂർ, എറവ്, ആറ്റത്തറ, മായന്നൂർ എന്നിവിടങ്ങിൽ സ്കൂൾ മാനേജറായും അധ്യാപകനായും സേവനം ചെയ്തിട്ടുണ്ട്. തൃശൂർ സെൻറ് ജോസഫ് പ്രീസ്റ്റ് ഹോമിൽ വിശ്രമജീവിതം നയിച്ചുവരുകയായിരുന്നു. വെള്ളിയാഴ്ച രാവിലെ തൃശൂർ സെൻറ് ജോസഫ് പ്രീസ്റ്റ് ഹോമിലെ കുർബാനക്കുശേഷം മൃതദേഹം തെക്കൻ താണിശ്ശേരിയിലെ പിതൃസഹോദര പുത്രൻ ആൻറുവിെൻറ വസതിയിൽ രാവിലെ 10 മുതൽ പൊതുദർശനത്തിനു വെക്കും. സംസ്‌കാരം ഉച്ചക്ക് 2.30ന് തെക്കൻ താണിശ്ശേരി പള്ളി സെമിത്തേരിയിൽ മാർ ആൻഡ്രൂസ് താഴത്തിെൻറ മുഖ്യകാർമികത്വത്തിൽ നടത്തും.
